MET NA KE TAKIR REN? NGANG IEI MET EI UKAN EMENIPWANG REN

Met na ou pwapwa ren o chon Hawaii? Ita ouse kan chok kuna mesen Governor me chiechian kana iwe ouwa michi ngenir kana mwaramwar plastic me masowen Mc Donalds, ouse uwereno non kana nenien mongo men wachep niwinin mongo non repwe pwapwa pwan nukunukoch. They deserve it.

Am non Chuuk am men pwapwa ren met kei men fis non ekkei ran. Aewin, efoch sein Navy iei e tori Chuuk iwe ekkei military iei ir men nomwofetan non ach kei putai ar kutta met repwe tongeni anisi ngeni kich. Mwa rirrisikapen ship met ei onokkanan!

Ew team e nom pioing an epwe cheki ika met osukosuken pioing me ika epwe tongeni support noun Merika military ika nge repwe tottori fonuwach. Men pwan wor ekkewe fitamon ra no ngeni ewe pekin seneteisen (Environmenta Health) ren ar cheki ika men wor ika naf pisekin vector control me pwan ifa ussun ach eppeti ekkewe sakkopaten menun nikken.

A pwan wor ra tori ewe ororen Transco ar mochen repwe anisi Chuuk me forochuw met kewe men tano me won ewe oror pachonong omwokutau ewe ship Micro Trader seni nepekin ewe oror an Transco.

IR men nennengeni ekkewe neeni men need aninnis me ia iwe repwe pwan fakkun awora ar aninnis ngeni ren sakkopaten angangen repair ika improvements.

Sia men fakkun pwapwa pwun iei sia sinei nge ei mwichen military repwene anisi fitu me nein ach kewe sikun repwe repair. Iwe pwan ewe Army Corps of Engineer repwene wisen checheki ekkewe Infrastructure Development projects ika nge ir men fiti pwungun specifications me nounouw ochu mwonian.

Ach we Administration building chon China re niffang ngeni kich iei a fen poputa angangan. Chommong footing ra fen cementino. Akkamwarar war ei sein winis ekan wisen winisi ekkei pisek seni epek ngeni epek. A ussun kana sein winis (cranes) rekan wawa nemenen Waikiki nupwen ra build kana skyscraper.

Ewe anen Weno iei epwene fakkun wes (ewe chok i epwe ettiw tori Mwan Village, nge ina mwo, pwan fakkun ian me menemenoch kich ren, pwan pwapwa.

Iei a pwan napono wach sepenin. Ewe Air Nukuni a pwan fakkun tottori kich nge a uwow passenger nefinen Pohnpei me Chuuk touretiw South Pacific. Iwe nouch tourist pwan ian me naponon. Emon me ruomon, pwan ian me namotan.

Ewe kawet won foun Finipin iei men mwo ekis kisitiw, ese chok mwo ukutiw.

IWE met na ami chon Hawaii ou pwapwa ren, nge am iei fakkun pwan kinisou ren ei oukukun. Sia rong meren ekkoch nouch legislators nge mwonien non ei year men wor somwonon. Iwe iei sia sinei nge epwene pwan watteno wachetin non en year sipwene tonong non, wewen, angangen ach mwuun epwe pwan ekis ipweno seni non ewe year.

Ekkei business aroppen anen Downtown Weno iei rammen fakkun pwan asechepechep mammanawaanaw. Wewen ma nge men wor mwoni men sokopen fetan non pwunun Chuuk.

Kinisou nge outene chok pwan esita met ai kei oporous pwun ina met kunan mesei.

Comments

  • Pwipwi let them make comments so that we can have their different ideas
  • Ina ina ne mwatawom ina koo Sinbad...eseor emon epwe esiitok
  • hahaha! Ewer onnan Saka sia kan ura kei pwun usun nge sia chok rong kechun porousach nge ennetin ese pwan koo ngawono Chuuk. Aramas ir men epwichipwich won en me an tinikkeni met sipwe kuna manaw ren.

    Ekkei rese angang ngeni emon ir men fori wiser ngeni ar family me aramasen fonuwer. Fakkun achocho. Nge men pwan wor ekkei penen asai fatan nge tingor ew chana.

    Mwa met onnan, tiper nge men mecheres tonong ew chana.
Sign In or Register to comment.