Kinisou ren om tong me aninis-och

An esananap kapasen kinisou.
Ina mo ika ese fatochuno mo pungun ach ei utut ren monun ach we anepung non Chuuk State, Nge uwa chok mochen upwe ne apasa ai kinisou ngeni kemi pwi kei me nei ren ach sia kan kakapas ren ach anisi ach ekiek ren porausen ach we utut.

Ngang mei fakun kinisou ngeni ami ren meinisin mine ouwa kan akapasa pwe watte an aiti ngeni kich pungun porausen kapas me porausen neniach kana non Tolensom.
Uwa men fakun ingeiti kemi ren fatochun met ouwa kuna me non ach kewe communities, ina mo ika ousap nonom non ew me ew, nge uwa men ingeiti kemi ren faten met ouwa kan rongorong seni chon ach kana communities. Ika mo pwe epwe wor ekkoch mei mwanino, ika resap pung, nge sia chok kinisou pokiten a men fatoch ami kapas.
Ai kinisou ngeni ami kewe chon nukun Faichuuk ren ami aninis och won met kunaemi me sineiemi ren Faichuuk. Uwa fakkun nukuw pwe mei watte porausen neniach ei Faichuuk a fen nonom nukun Faichuuk nap seni non Faichuuk. Uwa fakun nukuw pwe met ouwa kuna me sinei a men pung pwan wenechar.
Akaewin ai kinisou ngeni ami kewe ouwa predectini pwe epwe ikei kewe repwe win. Poputa me won sinbad me kinen, pirate95, isonge, Renson3, Taurus, inukei, jero, punungaw, mianjei, USEPWETA, AtinNeken, pwan tori ami meinisin kewe use pani itemi.
Iwe unusen ai kinisou ngonuk Mel pokiten om wenechar ne afata pwe esap en chon Faichuuk nge ka chok tongei Faichuuk faniten punuwom me noum.
Iwe amo ita pungun ach ei utut esap efista ach sipwe oput fengen kich. Nge epwe fen efisata ach angang fengen me aninis fengen.
Upwe asopwano ai upwe omusomus ngonuk nei mwan jero. Omusano tipisin ai wenechar ngonuk ren ai uwa kuna ai feiengaw me non om omwokut non ewe fansoun.
Iwe kinisou ngonuk, nge upwe tungor pwe nanaew epwe ne uweno om oput ngang. Iwe nge amo ai tongek me koputei we me rem repwe ne pwipwi fan mesen ach Samol Kot non lang. Sipwe ikiotek fengen pwe kopwe nukuw pwe ai tongek esap fakun siwin. Kinisou chapur.

Comments

Sign In or Register to comment.